ഈ മേഖലയില്‍ പ്രവര്‍ത്തിക്കുന്നവരുടെ സുരക്ഷിതത്വം ഉറപ്പുവരുത്തണം എന്നതാണ് ഇതിലെ കാര്യം. നിയമം നിര്‍മിക്കാന്‍ മുഖ്യമന്ത്രിയുടെ നിര്‍ദേശമുണ്ട്. നിയമ നിര്‍മാണത്തിനായുള്ള നടപടികള്‍ ആരംഭിച്ചിട്ടുണ്ട്. കരട് തയ്യാറാക്കി നിയമവകുപ്പിന് കൈമാറി അത് പൂര്‍ണതയില്‍ എത്തിക്കുക എന്നതാണ് സര്‍ക്കാര്‍ ലക്ഷ്യം. നിയമ നിര്‍മാണം കൊണ്ട് പ്രശ്‌നങ്ങള്‍ പരിഹരിക്കാനാകും എന്നാണ് സര്‍ക്കാര്‍ കരുതുന്നതെന്ന് സജി ചെറിയാന്‍ പറഞ്ഞു.അതേ സമയം Hema committee report പുറത്തുവിടരുതെന്ന് ആവശ്യപ്പെട്ടന്ന സര്‍ക്കാര്‍ വാദം തള്ളി ഡബ്ല്യുസിസി രംഗത്തെത്തിയതിന് പിന്നാലെ സംഘടന അടിയന്തിര യോഗം ചേരുകയാണ്. തിരക്കഥാകൃത്തായ ദീദി ദാമോദരനാണ് മന്ത്രി പി രാജീവിന്റെ നിലപാടുകള്‍ തള്ളി രംഗത്തെത്തിയത്. ഹേമ കമ്മിറ്റി റിപ്പോര്‍ട്ട് പുറത്ത് വിടരുത് എന്ന് മന്ത്രി P Rajeev നോട് ആവശ്യപ്പെട്ടില്ല. റിപ്പോര്‍ട്ട് പുറത്ത് വിടണം എന്ന് തന്നെയാണ് WCC യുടെ ആവശ്യം. പരാതിക്കാരിയുടെ സ്വകാര്യത സംരക്ഷിച്ച് റിപ്പോര്‍ട്ട് പുറത്ത് വിടണമെന്നാണ് നിലപാടെന്നും അവര്‍ പറഞ്ഞു.
