2008-2011 കാലത്ത് ഗ്രാമീണ തൊഴിലുറപ്പ് പദ്ധതിയില്‍ നിന്ന് പണം തട്ടിയെന്നാണ് കേസ്. സംഭവത്തില്‍ കുന്തീ ജില്ലയിലെ ഒരു ജൂനിയര്‍ എഞ്ചിനീയറെ ഇഡി അറസ്റ്റ് ചെയ്തിരുന്നു. ഇയാളെ ചോദ്യം ചെയ്തപ്പോള്‍ അന്നത്തെ ജില്ലാ കളക്ടറായിരുന്ന പൂജാ സിംഗാളിനും പണത്തിന്റെ പങ്ക് കൊടുത്തെന്ന് മൊഴി നല്‍കിയതിനെ തുടര്‍ന്നാണ് ED പരിശോധന നടത്തിയത്.നിലവില്‍ ഖനന വകുപ്പ് സെക്രട്ടറിയായ പൂജ ജാര്‍ഖണ്ഡ് മുഖ്യമന്ത്രി ഹേമന്ദ് സോറിന്റെ വിശ്വസ്തയാണ്. ഖനനത്തിന് അനധികൃതമായി ഭൂമി അനുവദിച്ചുവെന്നാരോപിച്ച് ഹേമന്ദ് സോറിനെതിരെ ആരോപണങ്ങള്‍ ഉയരുന്ന പശ്ചാത്തലത്തിലാണ റെയ്ഡ്. ഇതേ തുടര്‍ന്ന് ജാര്‍ഖണ്ഡില്‍ അധികാരം നഷ്ടപ്പെട്ട BJP EDയെ പ്രതികാരത്തിന് ഉപയോഗിക്കുകയാണെന്നാണ് മുഖ്യമന്ത്രി ആരോപിക്കുന്നത്.
